Unsa ba pod nga matang sa mga kalan-on?
Kuan, simple lang gud, kanang ginaingon nga pagkaon alang sa pobre ug kaayuhan sa lawas. Unsaon na lang ang mga bitok nga pasagdan, basin unya mapasmo sa ilang pagpuasa ning pagsaulog sa unang semana sa ginatawag nga "Lent Season" kuno.
Tuod man aduna akoy nasiplatan nga kulay berde nga nagpangamay nga unta ako siyang puniton ug wa jud ko magpanagana sa pagsignit sa usa ka bugkos niini. Ako siyang giligo kadali sa medyo tugnaw ug dili sad init nga H20 dayon nangita ko ug hinagiban aron kutluon ang iyang kinabuhi sa makaduha nga higayon (putlon uy!). Dayon, naglanay ko ug "butter" man kuno ug giganggang ang utanon inubanan sa makapakulismaot nga binuhat...Lemon diay pod to.. Nasiguro jud nako nga nangalimyon ang baho sulod sa among payag nga gipuy-an.
Mao ra ba? Wa pa ko mahuman uy! Morag nindot man ikaon ug lansang, maong nagkuha ko ug usa ka kumkom niini ug akong giganggang sa gawas kay basin unya matiurok ang galamhan sa akong halangdon bana.
Pastilan, sa baho lang sa lansang, nagpanlad-ok ko sa akong laway sa kagutom ug wa jud nako kalikayi ang pagkuha ug sample.. magnifico...dili palpak ang pagkaluto.
Nisulod ko ug balik sa among payag ug akong gipanitan ang usa ka binuhat alang unya sa among dessert. Sa gihapon naglaway ug nagpanlad-ok ko nga nagsud-ong sa akong gigunitan nga binuhat.
Paghiabot nako kaganina gikan sa akong trabaho diha nay gitak-ang sa among lung-agan nga mao ang among main course man kuno ang tawag niini. Kinsa ang naghimo? Way lain kon di ang akong pinalangga nga inahan sa kanunay nga panabang. Tagsa ra jud intawon mi kahiwa kay lisod na kay naghuboyhuboy ra ba intawon ang katambok.
Sa way langan-langan ug kukaulaw madasigon kong isangyaw sa tibuok kalibutan ang among panihapon karong gabhiona...sala ba diay ang malipay? Ahehehe! Mao ni resulta sa tawo nga nakakaon ug lansang....hek ug har!
No comments:
Post a Comment